كايرو كافيه | Cairo Cafe
<div style="background-color: #751975;"><a href="http://www.rsspump.com/?web_widget/rss_ticker/news_widget" title="News Widget">News Widget</a></div>

شاطر
اذهب الى الأسفل
avatar
عضو ماسي
عضو ماسي
انثى عدد المساهمات : 207
نقاط : 235
تاريخ التسجيل : 13/01/2011
العمر : 26
معاينة صفحة البيانات الشخصي للعضو

موضوع شعر لأبطال ثورة 25 يناير المصرية

في الأحد 15 مايو - 13:41
^^^^^ هما كلمتين ^^^^^


هما كلمتين .. كلمة وكلمة .. مش مهم مين .. لكن اسمع بذمه

دمنا ساح .. وحقنا راح..ناس مهضومه وناس مظلومه .. وحكومة نايمه ببال مرتاح

بأمر وزير.. تطلع تقارير.. فبركي ياحكومة.. ماحنا الطراطير

يناير خمسة وعشرين .. طوفان مظلوم .. فاق من النوم .. يطلب حقه بعد سنين

سنين وعقود .. ذل وقهر .. فقر وجهل .. ولسان معقود

معقود بقانون.. طاريء وفساد .. ظلموا عباد .. باعوا بلاد .. وحملوها ديون

ديون فى رقبتى .. اديلك وقتى .. ولا اعرف انام . ابدا دلوقتى .. والحق اهو قام

قام ثوار .. شباب احرار.. من كل دار .. على الخير ناويين

والنيه بصوت .. كان مكبوت .. صرخوا وقالوا ..الطاغى يغور .. والظلم يموت

نظام ينشال .. ورجال اعمال .. حراميه تقال .. اتغدو بلحمى واتعشوا سكوت


.............

قالوا عيال .. طايش مهزوز .. ولما نعوز .. ندوسهم فى الحال

حدفوا قنابل مسيله وغاز.. وامن بخوذه ووش ازاز.. درع يمين وعصايا شمال

جابوا قوات .. قتلوا وجرحوا .. شباب وبنات .. من كل حي

رصاص مطاطى ورصاص حي .. لايوم هنطاطى .. والنصر اهو جي



اعلام مشلول .. باعو المقتول ..كلام اوهام ..ولا فى الاحلام

المرئي كفيف والراديو اصم.. مليان تزييف ولا فيش دم

ساعه ايران وساعة اخوان ..والعملا هناك فى كل مكان

وجبات كنتاكى.. والمعزة تكاكى.. وباضت جبنه بيضه قريش

زى ماخالد وبعده بلال.. وباستهبال .. كسروا دماغهم بقرش حشيش

الحاج صابر والخاله سعاد.. بقدرة قادر.. بقوا من الموساد


...........

دمك ياشهيد.. لايوم هايجف .. الشمعه تقيد.. وجروحنا تخف

الشعب اتهان من ده ومن ده .. وعم سليمان يقولك اجنده

احزن عليه ولا احزن على الكبير .. اللى قاعد فوق وحادفنا فى بير

انا حزني وطنى .. وهمى وطنى .. مش حزب وطنى .. اللى سارق وطنى

ارحل بخوفنا وخد معاك جمال.. ولا اكنا شفنا .. خيول او جمال

انا عاوزه يغور .. والكل كذلك .. بالحزب بتاعه ونظامه الهالك

او اقولك ..خليك ..هانحط عليك ..فى ميدان تحرير ..ونحجز مالك

الشعب خلاص.. طلب الخلاص ..فارقنا وارحل وانفد من سؤالك

بلادى مصر حرة ..ماتقولش ارحل ليه؟.. هى حرة.. وحرة بلادي

هاتحافظ على الامين.. مهما فقره كان.. ويسقط اللى خان.. وتطرد الاعادي

............

و يا رب تكونوا استمتعتوا بالشعر و فى النهاية اشكركم جميعا و انتظروووا منى الجديد دائما ان شاء الله

avatar
مدير كايرو كافية
مدير كايرو كافية
ذكر عدد المساهمات : 538
نقاط : 1233
تاريخ التسجيل : 05/12/2010
العمر : 19
معاينة صفحة البيانات الشخصي للعضو

موضوع رد: شعر لأبطال ثورة 25 يناير المصرية

في الأحد 15 مايو - 17:43







avatar
عضو ماسي
عضو ماسي
انثى عدد المساهمات : 207
نقاط : 235
تاريخ التسجيل : 13/01/2011
العمر : 26
معاينة صفحة البيانات الشخصي للعضو

موضوع رد: شعر لأبطال ثورة 25 يناير المصرية

في الإثنين 16 مايو - 11:52
شكرا لمرورك الغالي
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى